| [赛前分析] 赫斯震到內出血 |
| |
http://www.22878.com 2006-12-15 东方报 |
|
| |
责任编辑：阿亮 |
赫斯個立陶宛班主羅曼諾夫入主以來令到球隊分黨分派，近日隊長派士利就喺權力鬥爭中「力戰而敗」，被球隊無情踢走，仲有傳會再簽入更多立陶宛球員，勢必令球隊更加分化，未來前途不容樂觀。
羅曼諾夫入主以來，不斷干涉球隊出場陣容，仲引入七個立陶宛球員爭飯食，搞到球隊雞犬不寧。而以派士利為首嘅本土球員，一向都唔妥呢班外人，早前佢就公開表示球隊動盪不安，氣氛好唔融洽。估唔到派士利就此交上惡運，首先頻坐冷板，近日仲被踢出球隊。
軍心大亂 周六食「鴨」隨時骾親
羅曼諾夫剛愎自用，懶理球隊問題癥結，打算繼續引入立陶宛球員。立陶宛國內班霸卡奧拿斯都係羅曼諾夫旗下球隊，下月會拉大隊到蘇格蘭愛丁堡市操練，畀領隊伊雲拿斯卡斯「揀蟀」，收購行動似乎事在必行。派士利嘅犧牲，睇来只係暴風雨嘅前夕，更多腥風血雨將陸續有來。
赫斯依家七國咁亂，周六聯賽主場對鴨巴甸軍心必有影響，大家捧場前一定要三思。
 |
|
|
|
|
