| [赛前分析] 曼聯扑錘唔使靠「古」！ |
| |
http://www.22878.com 2006-12-17 东方日报 |
|
| |
责任编辑：CoCo |
今晚英超壓軸好戲「錘仔」韋斯咸主場鬥曼聯，比賽焦點肯定落喺首度領軍嘅古比士利身上，阿古相信佢有能力為球隊帶来一番新景象，可惜首度出師即遇上狀態當銳嘅紅魔鬼，相信球員只可憑鬥志及士氣縮窄兩軍距離，主隊反彈未係時候，客W依然係阿古今場不二之選。（有線英超台63周一凌晨零時直播）
韋斯咸剛剛任命古比士利做新領隊，阿古一向好欣賞佢嘅領軍作風，今季查爾頓冇咗佢搞到潰不成軍，證明佢對球隊有幾重要。
韋斯咸未係時候反彈
球隊換領隊即有好表現早係老生常談嘅話題，球員為咗取悅新帥，爭正選點會唔搏？好似本地班霸南華早前炒咗教練亞曼龍，改由米路執教，首度正式督師即大炒香港08八比○，阿古都睇到成班「少林兵」落場特別拚搏，可以預期韋斯咸喺古比士利上任嘅刺激下，今場會有煥然一新嘅表現。
可惜阿古認為單憑呢股士氣同鬥志，並不足以令古比士利旗開得勝，因為今場對手係狀態大勇嘅曼聯。曼聯自九月不敵阿仙奴之後，已經有三個月未喺聯賽輸過波，近十一場贏咗十場，唯一一場失分對手係勁敵車路士，等閒球隊要喺紅魔鬼身上偷雞並唔容易。今季曼聯成績咁好，好大程度同球隊可長期保持固定陣容有關，腳風甚順嘅沙夏、減少盤扭嘅基斯坦奴朗拿度都踢出應有水準，加上逐漸同朗尼攞到默契，球隊鋒線的確令眾英超球隊聞風喪膽。
紅魔「讓球和」博好分
阿古唔排除韋斯咸喺古比士利領軍下，下半季會有回勇表現，但今場似乎未係爆冷時候，所以決定繼續支持紅魔鬼，不過考慮到頭先所講嘅新帥效應，預計韋斯咸可以喺主場球迷面前踢場好波，大敗機會唔高，嫌1.42倍曼聯W太少，可小敲「讓球和」。 |
|
|
|
|
