| [赛前分析] 羅馬巴勒莫大晒冷 |
| |
http://www.22878.com 2006-12-17 东方日报 |
|
| |
责任编辑：CoCo |
今晚幾場意甲大部分都開亞洲盤，證明今輪比賽形勢相當緊湊。若然球迷睇唔透的話，倒不如玩下大細好過，巨高較有把握係尾場羅馬主場對巴勒莫。（有線體育台62周一凌晨3時30直播）
羅馬及巴勒莫今季都有一個特色，就係擅攻不擅守。觀乎二十支意甲球隊當中，只有三支得球數字超過三十，除咗榜首國際米蘭之外，就係羅馬同埋巴勒莫。第十六輪聯賽兩支主攻性極強嘅球隊對撼，高手過招勝負難料，惟入球數字會偏高可以預計，今場心水入球開「大」。
雙方今年四月對賽已見過鬥攻場面，開賽後半句鐘羅馬已經轟入巴勒莫三球，下半場輪到巴勒莫發難連追三球打和。今季巴勒莫由古杜連執教，主動搶攻嘅味道更為強烈。而因為兩隊分別都落後國際米蘭七至八分，所以今場主客雙方都唔想守和各得一分，於形勢驅使下兩隊一定力求三分落袋，穩健踢法於今場比賽不適用。
大盤賠率低開
要營造一場多入球比賽，前場球員起關鍵作用。而羅馬有隊長托迪，巴勒莫就有中鋒阿馬利，兩人排行神射手榜三甲，有好前鋒助陣係入球開「大」嘅利好因素之一，連同迪羅斯、比斯安奴、哥連尼以及柏路達幾支遠程炮都好有射門欲，兩隊火力強大今場想冇入球都幾難。
從賠率顯示，莊家亦睇好羅馬對巴勒莫會多入球。周日以至周一凌晨共八場意甲，有六場開「大」賠率都有兩倍或者以上，而不足兩倍包括國際米蘭對墨西拿呢類懸殊賽事，另一場就係羅馬對巴勒莫。實力接近嘅比賽未必一定少入球，有時仲要考慮雙方踢法。羅馬及巴勒莫都係以攻為主球隊，選擇大盤最能配合今場形勢。
|
|
|
|
|
