| [赛前分析] 拖連奴食埋魚腩至收「科」 |
| |
http://www.22878.com 2006-12-17 东方日报 |
|
| |
责任编辑：CoCo |
阿斯科利上季季初上意甲時有驚喜之作，但路數被對手睇穿後今季已無突破，開鑼至今都未贏過。今晚阿斯科利主場對拖連奴，關爺深信納回正軌嘅拖連奴，可以喺作客環境下仍能輕取魚腩部隊阿斯科利，過關投注嘅話一定要預呢支都靈球隊一份。而串射場次，可取國際米蘭讓球勝及艾馬多拉讓球勝，三關乘埋有成十四倍，幾和味。
國米「讓球勝」冇難度
拖連奴臨開季前三日炒教練，然後搵沙哲朗尼上任，教頭與球員相處時間少，令季初表現大失預算，但經過一段時間磨合，拖連奴開始發揮應有水準，喺最近四場比賽拖連奴取得三勝一和不敗佳績，近況唔差值得關注。對手阿斯科利仍然處於「守齋期」，實力平凡對住當頭起嘅拖連奴，讓球盤嫌賠率低，一於揀拖連奴「客勝」。
另外，國米主場對墨西拿，國米今季喺意甲坐大，羅馬、巴勒莫、費倫天拿及ＡＣ米蘭等強隊統統都畀國米打低，墨西拿作客又點會係佢哋對手，因為實力太懸殊，主隊大勝嘅機會相當高，「讓球勝」可謂冇難度。
最後一關由艾馬多拉對艾維斯，後者屬於葡超榜尾球隊，作客表現無謂多講。艾馬多拉近三次主場贏晒，艾維斯唔夠力打破主隊氣勢，同樣推介艾馬多拉「讓球勝」。
|
|
|
|
|
