| [赛前分析] 利雲特主場最出位 |
| |
http://www.22878.com 2006-12-17 东方日报 |
|
| |
责任编辑：CoCo |
有留意開肥叔專欄應該知道，肥叔心目中有幾支銀行球隊，部分係長線投資，部分則係短炒佳品。尋日同大家講過英冠嘅打比郡，呢隊波狀態奇勇，正處於贏盤周期，可視為短線投資，投注者大可捧到佢贏盤周期完畢為止，至於部分優質球隊狀態平穩，但長期被操盤師忽略，經常可以喺超值價位入到筍貨，西甲利雲特（日）25同意甲卡坦尼亞（日）16就係最佳例子。
西甲升班馬利雲特係肥叔心頭好，點解對呢支升班馬情有獨鍾？因為護級球隊向來靠主場搶分，尤其係主場對住一啲中游球隊，更係機不可失，以利雲特為例，如果對強隊嘅話根本唔夠打，對弱隊對手又要護級，唔會放分畀你，而且分分鐘要讓波冇肉食，所以對中游球隊往往最適合出擊，利雲特今晚對切爾達開平手盤，主隊值博率相當高。
肥叔今季已多次狙擊卡坦尼亞得手，講起意大利孤島球隊，好多人淨係記得撒丁島嘅卡利亞里、西西里島巴勒莫同墨西拿，但講到呢期最出位嘅，都要算西西里島嘅卡坦尼亞。卡坦尼亞今季主場賽績一流，七場主場未輸過，最吸引嘅地方係佢哋作客成績麻麻，令整體綜合評級不致被拉高，以今晚主場對作客成績普通嘅安玻里為例，卡坦尼亞都係僅讓平半，如此筍盤去邊度搵？
聖日耳門化悲憤為力量
肥叔揀波一向以四大聯賽為主，但今晚有場法甲非常鍾意，想花多啲篇幅同大家交流，就係巴黎聖日耳門（日）22。自從巴黎聖日耳門發生警察槍斃球迷事件後，當地氣氛異常緊張，十二月初嘅聯賽更要改期，既然事件已過去，球隊依家唯一能夠做嘅事，就係贏波平復球迷嘅心情，從上周中足協盃大勝彭拿典奈高斯四比○一仗所見，聖日耳門好想做到呢點，贏波決心非常大，今次係悲劇發生後，聖日耳門首次喺主場踢聯賽，警方謹慎起見安排踢日場，相信聖日耳門可化悲憤為力量，喺作客未開齋嘅尼斯身上全取三分。
|
|
|
|
|
