| [赛前分析] 蘇斯達一「塔」糊塗長反 |
| |
http://www.22878.com 2006-12-17 东方日报 |
|
| |
责任编辑：CoCo |
今晚西甲只得六場賽事，幾經研究後，發覺盤路與近周有頗大分別，皆因多場都讓得過分，包括皇家馬德里、馬德里體育會及皇家蘇斯達。三隊未見有「穩贏」把握下，又唔係平半盤「半格博一格」，咁高風險的確要諗清楚。
今晚重心推介係皇家蘇斯達主場對塔拉戈納，正如頭先所講，蘇斯達開季至今聯賽十四場未開齋，要讓半球的確奇怪。不過莊家之所以力撐蘇斯達，嘉輝認為全因受塔拉戈納上周主場開齋影響，認為主隊都可以步對方後塵，藉主場之利於護級戰中贏波。不過主隊既冇實力又冇士氣，橫睇掂睇都要塔拉戈納「讓球客勝」。（周一凌晨零時開賽）
蘇斯達今季搞成咁，全因方針錯誤，高層銳意縮減班費，希望以年輕及土炮嘅陣容，天真地妄想於西甲立足。再者，球隊近年相繼將主力賣走，今季就輪到加比朗度及尼赫治，實力大幅削弱之餘，最重要係其他球員見到球隊毫無希望，高層又唔出錢護級，士氣又點會好？點會賣力去護級？
塔拉戈納撻着唔怕追
相反，塔拉戈納會長普拉茨上任以来，不但帶領球隊升班，仲肯畀錢買人，早前開季脫腳更即炒安祖施薩，結果上周亦初嘗主場贏波，可見球隊士氣不俗。雖然塔軍嘅戰績確係同蘇斯達「有得揮」，但若有留意呢班波嘅演出，相信都會戥其不值，好似上周對利雲特，球隊就有六成以上嘅控球率，實力絕非魚腩。另外今季加盟嘅樸迪路及巴拉圭國腳祖利奧卡沙利斯都係具級數嘅球員，以整體陣容来講，點會較蘇斯達失色。
重複多次，蘇斯達十四場未贏過竟要讓波，今場捧塔拉戈納「讓球客勝」。
|
|
|
|
|
