| [赛前分析] 利禾奴主場專收「素」 |
| |
http://www.22878.com 2006-12-17 东方日报 |
|
| |
责任编辑：CoCo |
喺社會做事，人同人之間實有摩擦，想解決都唔係一時三刻嘅事，唔係邊得咁多辦公室政治！至於分黨分派就更難解決，你睇利禾奴同拉素就知啦，雙方咁多年積埋咁多恩怨，點可以話冇事就冇事呢！（泰星U37周日晚10時直播）
今晚場波計我話最好就清場踢，一於閉門解決！回顧近兩次對賽，都係較利主隊，但係利禾奴現時狀態平平，頂唔頂得住拉素強勢攻擊呢？拉素呢期確係幾勁，近績仲令利禾奴比下去，雖則係咁，但係有時唔係牌面佔上風個隊贏梗嘅。
過關預埋曼聯
呢場波就好似上周拉素對羅馬咁，拉素雖然被睇低，最終竟然以三蛋揮低羅馬！今場利禾奴就係上個禮拜拉素嘅翻版。拉素近況稍佔上風，但睇番近兩季交手，利禾奴都成功喺主場贏波，呢班波踢法穩陣，睇番今季聯賽主場開出三勝三和一負就知啦，所以小妹唔再硬頸，平手盤捧主隊，博利禾奴唔被看好下都能夠打開困局。
英超方面，韋斯咸近期新聞多多，獲得冰島有錢老闆照住之餘，仲換埋領隊，不過暫時未見有正面作用。「錘仔」受傷兵困擾，內部士氣唔好，後防隱憂又大，睇怕主場對住曼聯都幾難翻身。大家都係將注意力放番落曼聯度，只怕客軍踢法較保守，所以唔好貪心，簡單要客勝做過關。
醒神貼士：女士們當然喜歡香噴噴嘅感覺，總覺得能夠增添一份外在美，怪唔得知依家連枕頭都能夠散發香味啦。聖誕節快到，睇来呢個都係一份唔錯嘅禮物喎！
|
|
|
|
|
