| [赛前分析] 阿仙奴暢飲「盃」中物 |
| |
http://www.22878.com 2007-01-06 东方日报 |
|
| |
责任编辑： |
今晚英格蘭足總盃第三圈重頭戲，利物浦主場對阿仙奴，兩隊將於四日內連踢兩場盃賽，「紅軍」擺明兩個盃賽都搏，阿仙奴則繼續用年輕球員踢聯賽盃，喺呢個大前提下，孤注一擲嘅阿仙奴今仗自然決心較大，隨着隊長亨利復出，阿仙奴戰鬥力無限量提升，利物浦讓平半阿古捧下盤。（now 685周日凌晨1時15分直播）
兩隊聯賽爭標無望，歐聯又冇捧盃把握，足總盃成為兵家必爭之地，利物浦雖然係上屆冠軍，聯賽主場又超過一年未輸過，但盃賽同聯賽係兩回事，阿古相信利物浦粗枝大葉嘅踢法，會受制於阿仙奴細膩組織，阿仙奴首循環大破利物浦三比○，完全印證到以上嘅講法。
阿仙奴季初成績唔好，主要問題係入球把握力差，前鋒頻頻失機，中後場表現尚算稱職，隊長亨利復出後，相信會將呢個問題徹底解決，佢上場同尹佩斯攻堅，合力大炒查爾頓四比○，信心返晒来，亨利係阿仙奴陣中嘅老大哥兼靈魂人物，有佢帶住隊波，其他師弟都會打高幾皮波。
紅軍主力分心聯賽盃
曾七奪足總盃冠軍嘅利物浦，當然希望卫冕成功，但對佢哋来講，今場唔得下周中聯賽盃八強仲有機會，阿仙奴聯賽盃會搵新仔擔大旗，利物浦贏波即入四強，計機會成本點都高過足總盃，心態上點都冇阿仙奴咁專注，阿古認為阿仙奴今場有機會贏埋。
除咗呢場重頭戲，今晚仲有兩場足總盃直播想同大家分享下。頭場譚禾夫主場對諾域治（now 685周六晚8時30分直播）雖然戲碼唔算吸引，但好多投注站都有直播，球迷不妨趁住熱鬧。計牌面，諾域治一定高啲，話晒佢哋兩年前仲踢緊英超，好似安梳爾、亨格比都係有質素同經驗嘅前鋒，但阿古認為球場質素同天氣因素，都會影響戰果，既然呢場馬會有即場投注，何不先睇直播至作出投注？
森林主場受讓着數
另一場英甲諾定咸森林主場對查爾頓（now 684周六晚11時直播），查爾頓由柏杜領軍以來，三仗勝和負各一，查爾頓向來對盃賽都冇乜興趣，球隊首要任務係護級，今晚作客點讓森林平半，阿古睇好下盤.
|
|
|
|
|
