| [赛前分析] 韋斯咸面臨清洗搏畀你睇 |
| |
http://www.22878.com 2007-01-06 东方日报 |
|
| |
责任编辑： |
依家幾乎一年三百六十五日都有賽事，前幾日冇乜波踢，班行家可以趁機充電。今日以英格蘭足總盃為主打，有老友問肥叔，呢個盃賽出名係爆冷溫床，究竟有乜投注錦囊呀？肥叔送三個心法畀大家，希望讀者受用，心水則首選韋斯咸（六）24。
唔好同強隊作對
第一個心法：以往足總盃出名係「爆冷溫床」，好似溫布頓、愛華頓都曾經喺八、九十年代以冷門姿態攞過冠軍，但時移勢易，近年足總盃冠軍成為強隊天下，近十年只有「BIG 4」車路士、曼聯、阿仙奴同利物浦過冠軍，同強隊作對時真係要諗清楚，如果強隊賠率太熱可選擇唔捧，無謂刻意扒冷。
伯明翰志在升班
第二個心法：留意球隊喺聯賽嘅定位，以伯明翰對紐卡素為例（六）3，伯明翰係英冠榜首球隊，爭升班嘅目標相當明確，英超同英冠球會收入差天共地，如果升唔到班，就算畀個足總盃冠軍你都冇用，伯明翰領隊布魯士免生枝節，一定唔會同紐卡素硬撼，而富咸（六）12同雷丁（六）18位處中游，聯賽冇乜好爭，會視足總盃為踏腳石，憑較佳質素可望擊敗低一個級別嘅球隊。
高層意向最重要
第三個心法：留意球隊陣容深度，傷兵情況如何？高層意向係點？會唔會派後備落場都係我呃要考慮下因素，今晚爭勝意欲最大嘅球隊係韋斯咸。韋斯咸依家新人事新作風，班主同領隊都係新埋位，球會亦講明會喺呢個月內大換血，阿根廷國腳馬斯真蘭奴成為第一位被清洗嘅球員，遲啲肯定陸續有來。韋斯咸上場畀雷丁大炒六比○，真係乜架都丟晒！返主場對住英甲白禮頓，老謀深算嘅古比士利，誓要贏波挽回高層信心.
|
|
|
|
|
