| [赛前分析] 塔拉戈納正宗弱「細」社群 |
| |
http://www.22878.com 2007-01-06 东方日报 |
|
| |
责任编辑： |
聖誕新年假期掛住吃喝玩樂，幾個聯賽歇冬仲覺得開心，因為可以抖抖，但係假期後BACK TO NORMAL又唔係咁講喇，好彩呢個禮拜西甲率先重開，總算有番多啲選擇，小妹就介紹薩拉戈薩和波同馬體會贏波畀大家。
薩拉戈薩西維爾和波格
西甲用榜首西維爾作客大戰第五位薩拉戈薩做○七年首晚重頭戲，都算係咁喇！你睇西維爾喺歇冬前霸氣十足，話晒都係唯一一隊聯賽主場保持全勝紀錄，巴塞隆拿都要輸埋個榜首畀佢啦！冬季轉會市場重開，佢哋及時收購咗位俄羅斯兵基沙哥夫，明顯要再度增強攻力，現階段雖然未見真章，但至少對球隊有正面影響嘅。
薩拉戈薩講明要參加下屆歐聯賽事，冬休前得廿七分排第五，○七年首要任務梗係搶分啦！佢同西維爾戰意我都無懷疑，但係作客個隊喺主場先勁，主隊主場又唔夠硬淨，喺互相抵銷下，今場倒不如直接敲和局喇！
頭場馬體會對榜尾嘅塔拉戈納，呢隊升班馬攻同守都得個「弱」字，怪不得依家仲係得八分啦！基本上都搵唔到佢哋有乜本錢護級。馬體會今屆防守表現都算唔錯，但攻力只屬一般，不過今場只係對住C級貨塔拉戈納，要開主勝問題不大，但略嫌賠率太熱，小妹寧願吼個入球「細」仲好分頭。
醒神貼士：今日係小寒，又真係又轉冷咗，相信大家都會開暖風機取暖，不過要留意，唔好一直開「行」個機，因住電路負荷過重發生火警，好危險嘅！
|
|
|
|
|
