除西班牙外，兩支急於搶分、力挽頹勢的傳統勁旅英格蘭及意大利，同時有唔少事非，「三獅兵團」主帥麥卡倫反口重召碧咸，為解窘竟將「黑鑊」卸落助雲拿保斯身上；而意國教頭鄧納東尼，更冤枉鐵尼斯達將退出國家隊!麥卡倫為保飯碗乜都做得出！民望極低�饔⒏裉m領隊麥卡倫，日前重召碧咸歸隊後，為討好fans大讚「萬人迷」表現出色，係英格蘭必然正選，自打嘴巴不特止，仲話唔選碧咸其實係助教雲拿保斯意思，麥卡倫賣友求榮，搞到雲拿保斯近日同佢面左左，隨時劈炮唔撈。

神又係佢，鬼又係佢！之前批評碧咸已經幫唔到英格蘭，點知今次又出爾反爾重召碧咸，已經將面子全面拋開嘅麥卡倫坦承，重召碧咸係佢個人決定，仲「屈」助雲拿保斯先係「封殺」碧咸嘅主謀。

麥卡倫表示：「我同教練團一齊開過會，雲拿保斯認為碧咸對英格蘭長遠前景冇乜幫助，佢有自己嘅立場，但最終我都作出最後決定，揀番碧咸。無論最終結果會係點，我會一力承擔。」

兩人齊離隊賠率2.1倍

雖然麥卡倫講到冠冕堂皇，不過英國傳媒普遍預測，佢同雲拿保斯之間兩個只能活一個，最惡劣情況甚至係�跸轮芴咄陮�愛沙尼亞之後，就會有人辭職。英國博彩公司威廉希爾開出盤口，若雲拿保斯先過麥卡倫離隊只得1.67倍，而兩個人喺同日離隊賠率則係2.1倍