巴塞留力博拉科好過

C朗即係C朗，射失十二碼令曼聯未能取得重要的作客入球後都可以輕描談寫咁話，我都入咗卅幾球啦，射失一兩球有乜所謂，下次咪入番囉。呢番說話，真係C朗先講得出，話佢恃才傲物又唔係，最重要一點應該係源於佢嘅自信，一種對自己能力嘅信心。

今晚，曼聯就會作客車路士踢英超冠軍戰，C朗的表現會唔會受到嗰球十二碼影響，係唔係真係如佢所言，入番波咪得囉。確實，佢嘅表現好壞，就決定曼聯能唔能夠贏到英超啦。

講返今晚的比賽，除咗車路士對曼聯嘅大戰外，西甲都有場重要比賽，就係巴塞羅那作客對拉科魯尼亞，因為巴塞再失分的話，皇馬周日只要再贏就可以提早奪冠。問題係，巴塞的鬥心已經放響歐冠盃方面，所以今晚作客拉科魯尼亞估計會留力居多，所以平手盤，都係博主場的拉科好過。

年初開始回勇的拉科魯尼亞近十三場錄得九勝兩和兩負，近期亦錄得四連勝，狀態好好，加上只係落後第六位的西維爾五分，爭取踢歐洲足協盃的機會好高，主場出擊當然想贏，今次碰正要留力嘅巴塞，又係好時機。

推介：拉科魯尼亞勝2:1