曼聯爭標要截“車”
   
究竟今季英超盟主會花落誰家？今晚車曼大戰將會係最關鍵一仗，兩隊雖然在下周中繼續要為歐冠盃搏殺，但相信一場還一場，始終英超同樣係球會最重要的錦標之一，所以點都唔會玩留力，大戰一觸即發。
   
車仔在歐冠盃迫和利物浦認真大話夾好彩，穩守打法又畀佢闖過一關。事實上，車仔真係冇贏波本錢，杜奧巴呢期確係冇晒料到，左撲右撲得個“衝”字，馬路達及祖高爾兩邊側擊亦威力大減，可能係領隊格蘭特比較注重以守為攻的打法而影響。
   
由於今場波車仔一定要贏，格蘭特應該會排出戰鬥格。之不過，呢位老人家的戰術部署都係叻極有限，面對老江湖兼老謀深算的費爵爺至少差幾班，惟有寄望班前鋒生生性性，可以把握到入球機會。
  
連埋歐冠盃，曼聯已經連續三場作客和波，似乎作客發揮都係冇咁順，連狀態大勇的C朗亦一樣，對巴塞十二碼竟然“宴客”，否則可能領先首回合。不過，今仗和波都有着數，曼聯穩打穩紮的踢法同樣咁掂，初盤車仔讓平手 / 半球，其實邊讓得起曼聯，和波已經有交代。值得一提兩隊防守都係咁穩，一於入球下盤。
  
推介：和波 0：0