熱刺加“攻”有數“維”

季初被視為黑馬的熱刺首三輪比賽只得一分，目前排在聯賽榜包尾位置認真失禮。可能受到貝巴杜夫離隊影響，球隊軍心動搖，再唔贏波沖喜，往後比賽就更加難踢，今晚坐擁主場迎來實力一般的維拉必全力搶攻，三分志在必得，硬讓半球都要捧場。

其實熱刺上仗作客逼和車仔一戰，球員已顯示出爭勝決心，只不過對手實在強橫，能夠摸和已算有交代，更重要係踢起信心。熱刺始終有一定實力，摩特歷逐漸融入球隊，至於新加盟的柏夫路真高今仗上陣機會極大，令到熱刺爭勝本錢大增，只要踢出上仗對車仔的水準，有望打開勝利之門。

用作客蟲來形容維拉最貼切，第一場波作客升班馬史篤城都陷於苦戰，球員表現實在太飄忽，攻強於守係維拉特點，卡維、艾邦拉荷及A楊格的三箭頭打法確係殺傷力強，弊在中後場攔截力不足，是踢作客發揮較差的主因。初盤開出熱刺讓半球，正路都係捧主隊。

推介：熱刺勝3：1