| 樂比堅尼:紅軍捉貓有心有力 |
| http://www.22878.com 2007-08-25 互联网 |
| 责任编辑： |
| 紅軍捉貓有心有力 文： 樂比堅尼 25/08/2007 周中踢完國際賽，好多國腳遊完飛機河，今晚八場英超真係要小心選擇，樂比仔就認為當中有唔少蕉皮，好似車仔同阿仙奴咁，本周對手相當惡啃，熱W唔值博，其餘幾場又勢均力敵，並非出擊良機，最終揀咗三場供大家選擇，除咗尋日推介嘅阿士東維拉，其餘兩場心水分別係利物浦同韋斯咸。（now 632周六晚7時45分直播新特蘭對利物浦） 利物浦季初表現令人眼前一亮，雖然佢哋未必贏得漂亮，但增兵後嘅紅軍有更多進攻瓣數，入球能力亦大幅提升，以往利物浦礙於攻力所限，對弱隊往往畀人老鼠拉龜感覺，但從季初幾仗所見，紅軍今季進攻更具侵略性，從球員嘅眼神亦睇得出多咗份贏波嘅決心同執着，如果今仗作客「黑貓」新特蘭都贏唔到，又點挑戰聯賽寶座？ 樂比心水 新特蘭愚勇難爆 利物浦周中共有十五名國腳服役，大家或會關心國際賽後遺症問題，不過紅軍今季兵源非常充足，即使謝拉特今仗因傷倦勤，樂比仔認為善於輪換球員嘅賓尼迪斯，可解決呢個問題，而且陣中部分球員好似高治、古積特、賴恩巴布同沙比阿朗素都係後備落場，兩大台柱謝拉特同加歷查更冇上陣，論影響紅軍冇車仔同阿仙奴咁大。「黑貓」新特蘭開鑼戰擊敗熱刺，某程度上係對手踢得差，之後對伯明翰同韋根已經打回原形，尤其係上場對韋根輸兩球十二碼，防守球員明顯輸經驗，面對利物浦一班頂級射手，好難憑一股愚勇爆冷成功。 錘仔夫添可勝韋根 另一場心水係韋斯咸，「錘仔」今仗有尼爾、柏加及龍格保等主力復出，加上又剛與四名主力球員續約，無論陣容同士氣都係季初最好一仗。韋根兩連勝超額完成，今仗作客好容易鬆懈，今仗博韋斯咸主場開齋。 |
| 进入火爆视频直播聊天室欢迎激情讨论 | ［所有评论］ ［火爆论坛］ | ||
|
|||
